هذي المحاوره جرت بين الشاعرسعود الجش وبين الشاعر/ فلاح الحنان السبيعي
في عام 1402هـ اذا ماخانتني الذاكره هذا الزمان والمكان في المنطقه الشرقيه وبالتحديد في مدينه الخبر وكانت البدايه من سعود الجش
اتمنى ان تنال استحسانكم...
ــــــــــــــــــــــــــــــــــــــــــــــــــ ــــــــ
سعود الجش
بيني وبينك يالسبيعي ثورت ** ماينعرف دخانها من نارها
ثم رعدت من فوق راسك وامطرت ** غر المزون اللي تجيك اذكارهــــــــا
**فلاح الحنان**
الله يستر من مزونن غــــــبرت ** تسد مشراق القمر بغبارهـــــا
الارض كوره والكواكب كورت ** قامت تطق كبارها بصغارها
سعود الجش :/
لاوالله ساع جات وحضـــــرّت ** مجموعتن ماتعرفون اسرارها
والارض كوره والاوادم دبّرت ** راحت تحفر يمينها ويســـارها
** فلاح الحنان**
انته تكفّر عمتك لين كــــفرت ** شاكوشها يضرب على مسمارها
قصتك هاذي يالمطيري ماجرت**اركبت بقعاء فوق ضهرحمارها
سعود الجش:/
انته تردد لقمتك لين جحرت ** مارحت لأم الخير وانته جارها
والناس مرتاحه وعنكم مادرت** وبقعاء تهددكم وهي في غارها
**فلاح الحنان**
صمنا وصامت وآخر الوقت افطرت**دنيا خشبها متعبن منشارها
بقعاء لكم قد خربت ثم عمـــــــــرت**واشوفها تومي لكم بوزارها
سعود الجش:/
دنياك هاذي ربحت ماخسرت ** ولادهور السبعان غير افكارها
ارزاق ربي للاوادم بكـــــرت ** كم عالمن ترزق بغير ديارهــا
**فلاح الحنان**
من يوم جيت انته بذا الدارادهرت -حتىالمعوشه مانطول اسعارها
ابواب رزق الله بوجهك سكــــرت-واهل البضايع كاثرات اعذارها
سعود الجش:/
من يوم شفنا نور وجهك نــــــــورت- ليتك تخل السالفه بستارها
تهت الطريق ان كان دعواك ابحرت-وخيرالاوادم مايلاد اشرارها
هذا ماخزنته الذاكره لدي والمحاوره طويله ..... ارجوا المعذره على القصوروسوف اورد لكم مستقبلا ً ما أجده في مكتبتي الخاصه من المحاورات القديمه مع كبار الشعراء وصغارهم
تقبلوا تحياتي واحترامي
.:: إعلانات الموقع ::. 
محاوره بين الجش والحنان
العرض العادي
